*வாரும் தூய ஆவியே...*
அன்பின் ஆவியே
அனலாய் வாருமே
ஆற்றலின் ஆவியே
ஆறுதலைத் தாருமே
இனிமையாம் ஆவியே
இல்லந்தனில் எம்முடன் தங்குமே
ஈர்ப்பின் ஆவியே
ஈகையின் வழி நடத்துமே
உண்மையின் ஆவியே
உகந்தோராய் எமை மாற்றுமே
ஊக்கமூட்டும் ஆவியே
ஊனியல்பைக் கட்டுப்படுத்துமே
எழுச்சியின் ஆவியே
என்றும் உம் வழி நடத்திடுமே
ஏழையரின் ஆவியே
ஏற்றம் எமக்கருளுமே
ஐயம் தீர் ஆவியே
ஐம்புலன்களையும் காத்திடுமே
ஒன்றிப்பின் ஆவியே
ஒற்றுமையில் வளர்த்திடுமே
ஓங்கு புகழ் ஆவியே
ஓய்வின்றி இரட்சித்திடுமே
அன்புடன்
கஸ்மீர் ரோச்,
9382709007
*மூவர் தந்த நான்காம் பரிசு*
பொன்னுடன் பொன்னான நேரத்தை கொண்டு வந்தோரே
தங்கத்துடன் தங்க மனங்களை தர வந்தோரே
தூபத்துடன் தூய தாழ்ச்சியை
காணிக்கையளித்தோரே
தூப புகை போல தம்மை மறைத்து உயர்வடைந்தோரே
வெள்ளைப்போளம் போல வெண் மனங்கொண்டோரே
வெள்ளைப்போள பயன் போன்று தியாக நெஞ்சத்தினரே
உம்மைப் போல யாமும்
பொன்னான நேரத்தையும்,
தங்கமான காலத்தையும்,
தூபமான தியாகத்தையும்,
நறுமண உழைப்பையும்,
மாசற்ற நல்மனதையும்,
தூய்மை நல்லுரைகளையும்
நான்காம் பரிசாக இறைவனுக்களிக்க
துணையாகுமே...
*நான்காம் பரிசு புத்தக சாராம்சம்*
அன்புடன்
கஸ்மீர் ரோச்
*தூயவரே.. எம் துணையாளரே...*
*உலக விதிகளை மீறிய மன்னர்*
அரசு என்றால் மாளிகை உண்டு
நம் அரசர் பிறந்ததே ஏழ்மையில் தானே....
அரசு என்றால் ஆற்றல் உண்டு
நம் அரசர் ஆற்றலை துறந்தவர் தானே...
அரசு என்றால் படை பலம் உண்டு
நம் அரசர் ஏழைகளின் நண்பர் தானே...
அரசு என்றால் மகிமை உண்டு
நம் அரசர் மகிமையை மறைத்தவர் தானே...
அரசு என்றால் ஆட்சி உண்டு
நம் அரசர் இறையாட்சியை
உருவாக்கியவர் தானே...
அரசு என்றால் கிரீடம் உண்டு
நம் அரசர் நம் பாவ
முள் கிரீடம் அணிந்தவர்தானே....
மன்னர் என்றால் மார்புக்கவசம உண்டு
நம் அரசர் நமக்காக மார்பில் நொறுங்கியவர் தானே....
*ஆனால்*
மன்னர் என்றால் எல்லை உண்டு
நம் மன்னர் உலகுக்கே மன்னர்
மன்னர் என்றால் ஒரு பிரிவு மக்கள் உண்டு
நம் அரசருக்கு எல்லையில்லா மக்கள்
மன்னர் என்றால் சாம்ராஜ்யம் உண்டு
நம் அரசருக்கு சகலமும் அவரின் அசைவில்....
அரசருக்கெல்லாம் அரசரே எம் இறைவா !
உம் அரசாட்சியின் உரிமை மக்களாய் எமை காத்திடுமே...
இறையாட்சியின் விழுமியங்களை நாளும் நிலைநிறுத்த துணையாடுமே....
அன்புடன்
கஸ்மீர் ரோச்
சின்னமலை
9382709007
*உறுப்புகளில் சிறியதே....**
உறவுகளை நேசிப்பதும் நீயே....
உணர்வுகளை காயப்படுத்துவதும் நீயே...
சீர்திருத்த கருத்துகளையும் பகர்கிறாய்..
சீரழிக்கும் செயலையும் செய்கிறாய்..
உடலுக்கு உகந்தவையும்
சுவைக்கிறாய்...
உடலைக் கெடுப்பதையும் ருசிக்கிறாய்...
இறை வேண்டலில் ஆவியானவரை துதிக்கிறாய்...
இகழ்ந்து வசைச் சொல் சொல்லி வதைக்கிறாய்..
அதெப்படி....
ஆவியானவரால் ஆட்கொள்ளப்பட்ட நீரூற்றில் நல்லநீர் மட்டும் தானே வரும்....
மாறுபட்ட நீர் வராதே...
ஆவியானவரால் வழிநடத்தப்பட்ட விளக்குத்தண்டில் ஒளிமட்டும் தானே பிரகாசிக்கும்.....
இருளும் ஒளியும் ஒருசேர தோன்றுமா...
இதோ....
*நன்நாக்கு அழியா
நம் நாயகன் தூய அந்தோனியாரைப் போன்று*
நாவடக்கம் கொள்வோம்
நாவினால் அவர் பணிதொடர முயல்வோம்
நாவை தூய்மையாக்குவோம்
நாவினால் நல்லன மட்டுமே பகர்வோம்
நாவினை நாளும் நயமாக வைத்திருப்போம்.
அன்பின் இறைவா,
எம் நாவினை
வல்லமையுள்ள,
இனிமையுள்ள,
வலிமையுள்ள,
நாவாக மாற்றுமே!
நல்லன சொல்லவும்,
நயம் பகரவும்
நாளும் நற்சொல் பகரவும் காத்திடுமே.
அன்புடன்,
கஸ்மீர் ரோச்
9382709007
*எத்தனை அழகு**
*நம் கத்தோலிக்கம்*
இறை வார்த்தையை மையப்படுத்தி படிப்பினை தருகின்றதே
இறையுண்மைகளை வகைவகையாக மனதில் பதியச் செய்கின்றதே
நம்பிக்கையும்,பாரம்பரியமும் ஒன்றிப்பின் நற்போதனைகளை வழங்கிடுதே
பாரம்பரியமும் புதியவையும் அழகுற வடிவமைக்கப்படுகிறதே
அன்னையை மையப்படுத்தி நம் கத்தோலிக்கமே ஜொலிக்கிறதே
புனிதர்களின் ஒவ்வொரு வாழ்வும் படிப்பினையாக்கப்பட்டு உரமாக்கப்படுகிறதே
அருட்சாதனங்களால் வளமாகவே வாழ்வாகவே வகைப்படுத்துகிறதே
அன்பையும் மன்னிப்பையும் நாம் பற்றிக்கொள்ள தினமும் போராடுகிறதே...
நம் கத்தோலிக்கமே !
நம் உயிரே !
உன்னில் மகிழ்ந்து,
உன்னை மகிமைப்படுத்துவோமே ! !
அன்புடன்,
கஸ்மீர் ரோச்,
சின்னமலை
சென
